Wacan Karangan

1.      Wacan Karangan

Karangan yaiku unen-unen kang ngungkapake pikiran lan raos saking panulis ing manunggalaken siji tema kang utuh Panulisan wis ditetepake uga dening seri saka asil pamikiran utawa ungkapan saka raos menyang wangun tulisan tertib. Adhedhasar tema utawa tujuan.

Jenise karangan yaiku :

1.      Narasi
Yaiku karangan utawa paragraf, utawa pada kang nyritakaké kedadéyan kanthi wektu utawa kedadén kang runtut saka wiwitan ngati pungkasan. Sok sapa sing maca paragraf  iki kaya-kaya nglakoni kaya déné kedadéyan kang ana jroning crita.

2.      Argumèntasi
Yaiku karangan utawa paragraf  kang isiné ngenani panemu kanthi linambaran alesan-alesan kang mathuk.

3.      Deskripsi
Yaiku paragraf utawa karangan kang isiné nggambaraké sawijining obyèk (bisa panggonan utawa wewujudan liyané) kanthi trewaca. Sok sapa kang maca paragraf iki kaya-kaya ngerti dhéwé obyèk kang digambaraké ana ing jroning paragraf iki.

4.      Pèrsuasi
Yaiku paragraf utawa karangan kang isiné ngajak para pamaca supaya nglakoni apa kang dikandhakaké panulis.

5.      Eksposisi
Yaiku paragraf utawa karangan kang isiné njlèntrèhaké nganti cetha terwaca.  Ana ing bab iki kang arep dirembug yaiku ngenani paragraf  narasi

URUT-URUTAN NULIS NARASI

• Nemtokake tema karangan

• Nemtokake tujuan karangan

• Nglumpukake bahan-bahan karangan

• Noto rantamaning karangan

• Ngembangake rantamaning karangan

URUT-URUTAN NULIS DESKRIPSI

• Netepake objek kang bakal katulis
• Nemtokake bates objek kajian
• Observasi kanthi cermat lan tuntas
• Gawe gambaran kanthi cetha
• Gawe reng-rengan apa kang arep dikembangke
• Milih ukara kang pener kanggo nggambarake objek kanthi trep
• Naliti panulisan supaya dadi tulisan kang trep

2.      Pengertian diskusi : diskusi yaiku cara tukar pikiran utama ijpl panemu antarane wong loro utawa luwih supaya oleh tambahan ilmu kang dikarepake.

Kang nindakake diskusi yaiku  :

1.      Ketua diskusi utawa moderator tugase:

a.       ngomokake masalah kang arep didiskusikake

b.      Maca tata tertib diskusi

c.       Njaga lakune diskusi

d.      ngatur lakune diskusi

e.       gawe rangkuman diskusi

2.      Sekretaris utawa notulen tugase:

a.       nyathet peserta diskusi

b.      nyathet bab kang wigati

c.       nyathet kesimpulan sawetara

d.      Gawe laporan sawise diskusi rampung

3.      Peserta diskusi tugase:

a.       Nanggepi materi kang dibahas ana ing diskusi

b.      menehi seserepan bab kang dibahas ana ing diskusi

c.       Matuhi tata tertib wektu diskusi diwiwiti nganti paripurna

d.      Njupuk pangerten ana njroning asile diskusi

Dadi peserta diskusi sing apik yaiku :

Peserta diarani nduweni peran aktiv ing diskusi, yen dheweke gelem ngrungokake apa kang disampekake dening narasumber utawa sregep menehi tanggapan lan pitakonan. Amarga diskusi bisa mlaku kanthi lancar yen pesertane bisa ngajokake pitakonan lan tanggapan.

Ngaturakake argumentasi ing diskusi

Ngajokake pitakonan utawa pertanyaan ing diskusi ora angel nanging uga ora gampang yen pesertane mangerteni prinsip prinsip diskusi. Apa wae prinsip prinsip diskusi ? (apa saja prinsip prinsip diskusi) yaiku :

·         Yen ngajokake pitakonan sawise moderator menehi kesempatan, aja nganti nyelani nalika narasumber njelasake.

·         Pitakonan sing ditakokake kudu cocog karo topik kang lagi didiskusikake.

·         Wayah menehi pitakonan kudu nyebutake identitas luwih dhisik lagi takon.

·         Pitakonan kudune disusun kanthi ukara kang singkat lan gampang dimangerteni

·         Migunakake basa kang sopan

Urut urutane yen ngalsanakake diskusi:

1.      Mbentuk kelompok diskusi kang cacahe loro utawa luwih

2.      Milih topik masalah kang narik kawigaten

3.      Nemtoake sapa kang dadi moderator lan notulen

4.      Menehi panemu kanggo mecahake masalah kang lagi diadhep

5.      nyimpulake asile diskusi

6.      Gawe laporan asil diskusi

3.      Tembang campursari

Campursari yaiku jinising lelagon Jawa. Campusari tegese lelagon Jawa kang ngemot pirang-pirang aspek seni. Lagu kang kerep dianggo campursari bisa wujud: lagu dolanan, langgam, Macapat, tembanggedhe, gendhing sekar, sekar gendhing, bawa, umpak-umpak lsp. Tokoh campursari sing kondhang yaiku manthous saka Gunung Kidul. Katitik saka instrumen sing dinggo ngiringi, wujud gamelan tradisional Jawa instrumen musik nasional. Lelorone dianggo bebarengan kanthi trep, nganti kepenak dirungokake. Gabungan instrumen kasebut diangkah supaya tinemu harmoni seni Campursari. Instrumen campursari sing kerep kanggo kayata kendhang, demung, gong, rebab, piano, gitar.

Paraga kang nglagokake campursari diarani wiraswara utawa swarawati. Anggone nglagokake ngetutake unine gendhing. Yen sing nglagokake bebas (merdhika), rong larik mandheg, banjur diselingi omong-omong ora apa-apa. Biasane campursari asring kanggo nglelipur ing pahargyan apa wae, kayata pengetan 17 Agustus, supitan, tasyakuran, mantenan, uga asring dinggo lelagon dening pelawak pendhagel, gara-gara ing wayang kulit, limbukan wayang kulit, dhagelan (guyonan), kethoprak.

Wujudipun campursari:

1.      Ingkang klebet langgam cmpursari:

Ngidhamsari, Anting-anting, Aja sembrana, Lingsir wengi, Bengawan solo, Setya tuhu, Aja lamis, Jenang gula, Kusumaning ati, lela-lela ledhung.

2.      Ingkang klebet lelagon dolanan campursari:

Kuda lumping, Ilir-ilir, Buta galak, Jamu-jamu, Nginang karo ngilo, Dhayohe teka

3.      Ingkang klebet lelagon campursari:

Sekonyong-konyong kodher, Sentir lenga patra, Nonong, Randha kempling, Stasiun balapan, Tamba ati, taman Jurug.

4.      Ingkang klebet macapat campursari:

Asmaradhana : Anjasmara animani, Dhandhanggula Sida asih, Dhandhang gula turulare

5.      Mijil kethoprak : Dedalane, Pocung, Semar iku

6.      Ingkang klebet sekar gendhing campursari:

Wahyu, Ayak pamungkas, Rangu-rangu, Puspa giwang, Gandahastuti, Umbul donga.

Tuladha  Lagu Campursari                        Teks Lagu : Aja Dipleroki

Mas mas mas aja dipleroki

Mas mas mas aja dipoyoki

Karepku njaluk diesemi

Tingkah lakumu kudu ngerti cara

Aja ditinggal kapribaden katimuran

Mengko gek keri ing jaman

Mbokya sing eling eling bab apa

Iku budaya pancene bener kandhamu

SHARE

Devisari

• 
• 
• 
• 
•